Noyabrın 11-də Türkiyənin Antalya şəhərində BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyasının (COP31) Liderlər Sammiti keçirilib.

Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva tədbirdə iştirak ediblər.

Gündəmin digər mövzusu isə İrandır. İrana hücum ediləcəyi təqdirdə, ABŞ-ın regiondan uzaqda yerləşən hərbi bazaları hədəfə alınacaq. “Fars”ın xəbərinə görə, bunu

İranın Ali Milli Təhlükəsizlik Şurasının katibi Möhsün Rezayi deyib.

O, Yaxın Şərqdə bütün cəbhələrdə, xüsusilə də Livanda müharibənin dayandırılmasının İranın əsas şərtlərindən biri olduğunu bildirib.

İranın Ali Milli Təhlükəsizlik Şurasının katibi ölkəsinin elektron müharibə sahəsində nailiyyətlər əldə etdiyini və ABŞ-ın PUA-larına nəzarəti ələ keçirə bildiyini əlavə edib.
Bölgənin digər aktual hadisəsi Ukrayna böhranıdır. Artıq Rusiya və Ukrayna genişmiqyaslı hərbi əsir mübadiləsi barədə razılığa gəliblər. Mübadilənin parametrləri yaxın vaxtlarda açıqlanacaq.

Bunu Rusiya Prezidentinin köməkçisi Vladimir Medinski Əbu-Dabidə keçirilən danışıqların yekunları ilə bağlı jurnalistlər üçün keçirdiyi brifinqdə bildirib.
Onun sözlərinə görə, danışıqlarda Avropanın təhlükəsizlik sistemi əsas müzakirə mövzularından biri olub və bu istiqamətdə müəyyən məsələlər üzrə qarşılıqlı anlaşma əldə edilib. Əbu-Dabidə Rusiya, Ukrayna və ABŞ arasında üçtərəfli danışıqlar artıq başa çatıb.

Bu gün saat 16:00-da TV Musavat-ın canlı yayımlanan “Həftə içi” verilişində aparıcı Emil Salamoğlu gündəmi hərbi ekspert Azad İsazadə ilə müzakirə edir.

https://www.facebook.com/tvmusavat

https://www.youtube.com/@musavattv