Netanyahu çıxış edərkən sabiq Baş nazirlə mübahisə etdi - VİDEO
İsrail parlamentinin (Knesset) seçkilərdən sonra keçirilən ilk iclası gərgin mübahisə ilə yadda qalıb.
"AzPolitika" xəbər verir ki, noyabrın 10-da baş tutan iclasda hazırkı Baş nazir Benyamin Netanyahu çıxış edərək mümkün yeni hökuməti kəskin tənqid edib.
Netanyahu ərəb partiyalarının dəstəyi ilə hökumət koalisiyasının formalaşdırılmasına qarşı çıxıb. O, belə bir hökumətin İsrailin gələcəyi üçün təhlükə yaradacağını iddia edib.
Çıxış zamanı sabiq Baş nazir Naftali Bennett Netanyahudan Qətəri nə üçün İsrailin düşməni hesab etmədiyini soruşub. Bu suala İsrailin hazırkı baş nazirinin həyat yoldaşı Sara Netanyahu kəskin reaksiya verib. Nəticədə tərəflər arasında mübahisə yaranıb və Benyamin Netanyahu çıxışını yarımçıq saxlamağa məcbur olub.
Müxalifətin baş nazir postuna namizədi Qadi Ayzenkot isə baş verənlərə müdaxilə etməyib və təmkinini qoruyub.
Qeyd edək ki, İsrail Prezidenti İshaq Hersoq oktyabrın 27-də keçirilən parlament seçkilərinin nəticələrinə əsasən, yeni hökuməti formalaşdırmaq mandatını müxalif “Yaşar” partiyasının lideri Qadi Ayzenkota verib.
