Bu ilin yanvar-sentyabr aylarında Azərbaycandan Avropa İttifaqı (Aİ) ölkələrinə 12,95 milyard dollar dəyərində məhsul ixrac edilib.

"AzPolitika" Dövlət Gömrük Komitəsinin hesabatina istinadən xəbər verir ki, bu göstərici ötən ilin müvafiq dövrü ilə müqayisədə 15 faizə yaxın artıb.

Aİ-yə ixrac Azərbaycanın ümumi ixracının 54,29%-ni təşkil edib.Avropa İttifaqına ixracın 8 milyard 789 milyon 880 dolları İtaliyanın payına düşüb.

Hesabat dövründə Avropadan 2 milyard 165 milyon 115 min dollar dəyərində idxal reallaşdırılıb. Ümumi idxalın 16,2 faizi qədər.