<?xml version="1.0" encoding="UTF-8"?>
<rss version="2.0" xmlns:content="http://purl.org/rss/1.0/modules/content/" xmlns:dc="http://purl.org/dc/elements/1.1/" xmlns:media="http://search.yahoo.com/mrss/" xmlns:atom="http://www.w3.org/2005/Atom" xmlns:georss="http://www.georss.org/georss">
<channel>
<title>Kriminal - Xtv.az</title>
<link>https://xtv.az/</link>
<language></language><item>
<title>Başı qazandan, ayaqları soyuducudan tapıldı – Tanınmış modelin dəhşətli qətli ilə bağlı YENİ DETALLAR</title>
<link>https://xtv.az/kriminal/215-ba-qazandan-ayaqlar-soyuducudan-tapld-tannm-modelin-dhtli-qtli-il-bal-yeni-detallar.html</link>
<pdalink>https://xtv.az/kriminal/215-ba-qazandan-ayaqlar-soyuducudan-tapld-tannm-modelin-dhtli-qtli-il-bal-yeni-detallar.html</pdalink>
<guid>https://xtv.az/kriminal/215-ba-qazandan-ayaqlar-soyuducudan-tapld-tannm-modelin-dhtli-qtli-il-bal-yeni-detallar.html</guid>
<pubDate>Fri, 06 Nov 2026 13:15:11 +0400</pubDate>
<category>index</category>

<enclosure url="https://xtv.az/uploads/posts/2026-11/medium/9a9e6a09261f4ccd689bebf7da59ebc1.jpg" type="image/jpeg" />
<enclosure url="https://foto.haberler.com/haber/2026/11/06/modelin-basini-corba-tenceresi-44600225-7474_1_m.jpg" type="image/jpeg" />
<enclosure url="https://foto.haberler.com/haber/2026/11/06/modelin-basini-corba-tenceresi-21413bfa09-5803_1_m.jpg" type="image/jpeg" />
<content:encoded><![CDATA[<p><a href="https://xtv.az/uploads/posts/2026-11/9a9e6a09261f4ccd689bebf7da59ebc1.jpg" class="highslide" target="_blank"><img src="https://xtv.az/uploads/posts/2026-11/medium/9a9e6a09261f4ccd689bebf7da59ebc1.jpg" alt="" style="display:block;margin-left:auto;margin-right:auto;"></a></p> <p>2023-cü ildə Honkonqda amansızlıqla qətlə yetirilən model və sosial media fenomeni Abbi Çoinin işi üzrə məhkəmədə ortaya çıxan yeni detallar ictimaiyyəti sarsıdıb.<br><br><b>Musavat.com</b> xəbər verir ki, məhkəmə-tibbi ekspertin ifadəsinə əsasən, 28 yaşlı qadının başı böyük şorba qazanında, iki ayağı isə soyuducuda tapılıb.</p> <p>Honkonq Ali Məhkəməsində ifadə verən baş məhkəmə eksperti Kvok Ka-ki bildirib ki, polis tərəfindən müsadirə edilən böyük qazanın içərisindəki mayedə Abbi Çoinin başı aşkarlanıb. Ekspertin sözlərinə görə, kəllənin sağ tərəfində çəkic zərbəsinə uyğun sınıq müəyyən edilib.</p> <p>Məhkəmədə təqdim olunan digər məlumatlara görə, modelin iki ayağı soyuducunun aşağı hissəsində tapılıb. Mənzilin vanna otağında yerləşən elektrik mişarında isə insan toxuması olduğu ehtimal edilən qalıqlar aşkarlanıb. Ekspert ayaqlardakı kəsiklərin iti alətlə, ölümündən sonra törədildiyini bildirib.</p> <p>İttiham tərəfinin versiyasına görə, qətlin motivi təxminən 72 milyon Honkonq dolları dəyərində olan lüks mənzillə bağlı mübahisə olub. İddia edilir ki, Abbi Çoinin mənzili satmaq niyyəti keçmiş qayınatası Kvonq Kau ilə münasibətlərində ciddi gərginlik yaradıb.<br><br><img src="https://foto.haberler.com/haber/2026/11/06/modelin-basini-corba-tenceresi-44600225-7474_1_m.jpg" alt="Cinayet işleniğinde, öldürülen mankenin kalıntıları çöplükte aranmıştı"></p> <p>Qətldə modelin keçmiş əri Aleks Kvonq, keçmiş qayınatası Kvonq Kau və keçmiş qayını Entoni Kvonq ittiham olunurlar. Onlar qətl ittihamını rədd etsələr də, cəsədin qanuni dəfninə mane olmaqla bağlı təqsirlərini etiraf ediblər. Məhkəmə prosesində Kvonq Kau da bu ittiham üzrə əvvəlki mövqeyini dəyişərək günahını etiraf edib.</p> <p><b>Qeyd edək ki,</b> Abbi Çoinin qətli 2023-cü ildə Honkonqda böyük rezonans doğurmuşdu. İttiham olunan şəxslər qətldə təqsirli bilinərsə, ömürlük həbs cəzası ilə üzləşə bilərlər.</p> <p><b>Musavat.com<br><br><img src="https://foto.haberler.com/haber/2026/11/06/modelin-basini-corba-tenceresi-21413bfa09-5803_1_m.jpg" alt=""></b></p>]]></content:encoded>
</item><item>
<title>Türmədən tribunaya... - 12 il yatan DƏLƏDUZ hüquqşünasa necə çevrildi?</title>
<link>https://xtv.az/kriminal/201-turmdn-tribunaya-12-il-yatan-dlduz-huququnasa-nec-cevrildi.html</link>
<pdalink>https://xtv.az/kriminal/201-turmdn-tribunaya-12-il-yatan-dlduz-huququnasa-nec-cevrildi.html</pdalink>
<guid>https://xtv.az/kriminal/201-turmdn-tribunaya-12-il-yatan-dlduz-huququnasa-nec-cevrildi.html</guid>
<pubDate>Thu, 05 Nov 2026 16:03:12 +0400</pubDate>
<category>index</category>

<enclosure url="https://xtv.az/uploads/posts/2026-11/medium/973366b66601592b6295464e0bd72fc2.jpg" type="image/jpeg" />
<content:encoded><![CDATA[<p><a href="https://xtv.az/uploads/posts/2026-11/973366b66601592b6295464e0bd72fc2.jpg" class="highslide" target="_blank"><img src="https://xtv.az/uploads/posts/2026-11/medium/973366b66601592b6295464e0bd72fc2.jpg" alt="" style="display:block;margin-left:auto;margin-right:auto;"></a></p> <p>Adam 12 il həbsxanada oturur. Amma vaxtını hədər keçirmir! Nə fizika öyrənir, nə də dülgərlik. O, “zakonnik” yanaşması ilə Cinayət Məcəlləsindən maddələri əzbərləyir, məhkəmə sisteminin boşluqlarını saf-çürük eləyir və özünə virtual da olsa, bir “hüquq elmləri doktoru” mantiyası biçir.</p> <p>Xanımlar və cənablar Yanılmadız, bəli odur - Kazım Abbasov, yaxud özünün bəzəkli pasport adı ilə desək “David Seliverstov”!</p> <p>2022-ci ildə şərti azadlığa çıxıb. Cəza müddətinin bitməsinə hələ 2028-ci ilə qədər düz 6 il var. Məhkəmələrə qaçıb, "Amanın günüdür, şərti cəzamı ləğv edin!" iddiası ilə çıxış edib. Məhkəmələr isə femida tərəzisində bunun əməlini çəkib, bir ağızdan "Yox!" deyib, barəsindəki şərti cəza qüvvədə qalıb.</p> <p><b>Normal adam nə edər?</b></p> <p>Oturar evində, sakitcə çayını içər, 2028-ci ili gözləyər. Amma bizim "Bender" yox! O, daha böyük şou, böyük pullar həsrətindədir. Nəhayət, azadlığının ili çıxmamış, Davud ulduzunun parıltılı kölgəsi altında, 2023-cü ilin istidən ilanların qıvrıldığı bir günündə, hələ ki, o qədər də böyük olmayan bir otaqda təntənəli “teatr” qurulur. Səhnənin yuxarı başında bir poster var və üzərindəki hərf sırası hər kəsə mənəviyyat dərsi keçirir: “Sosial-iqtisadi həyatda qadın hüquqları”.</p> <p>Posterin sağ küncündə, yuxarı başdan dairənin içindən kostyumlu, ağ köynəkdə, çərçivəsiz eynəkli, saçı daranmış, üzü təraş olunmuş foto var və altından “Hüquqşünas David Seliverstov” sözləri yazılıb!</p> <p><b>Hələ bu harasıdır?</b></p> <p>Tədbir haqda mətbuatda yayılan xəbərlər “David Seliverstov”un cəmi 1 il əvvəl cəza çəkdiyi 9 saylı Cəzaçəkmə Müəssisəsinə də gedib çatır. Xəbəri oxuyan türmə adminstrasiyası çaşbaş qalır – “Bu, Kazımbala deyil, 178.3.2? Kazım Elşən oğlu Abbasov?”</p> <p>“Bu nə vaxt hüquq oxudu, nə vaxt hüquqşünas oldu” sualı da açıq qalır. Aradakı sükutu keçmişdə MTN-də şöbə rəisi olan dustaqlardan biri pozur – Nə istəyirsiz, “türmə akademiyası”nın fəxri doktorudur da…”</p> <p>“David Seliverstov” fiqurunun ictimaiyyətə təqdim olunması və cəmiyyət arasında “etibarlı şəxs” imicinin formalaşdırılması təsadüfi və ya pərakəndə addımlarla deyil, kifayət qədər düşünülmüş və incə hesablanmış manipulyasiya mexanizmi üzərində qurulub. Bu prosesdə ən diqqətçəkən və maraqlı detallardan biri – Azərbaycan Vəkillər Kollegiyasının üzvü olan vəkillərin, o cümlədən vaxtilə Ruslan Qazıyev kimi tanınan, sonradan ad-soyadını Avraam Berman olaraq dəyişən vəkilin də qatılmasıdır. “David Seliverstov”un sağ tərəfdən boylandığı posterin sol küncünü Avraam Berman – Ruslan Qazıyev bəzəyir. Ortada isə deputat Anatoliy Rafailovun yaxın qohumu Gulmira Rafailovanın fotoları var. Yeri gəlmişkən, deputat Anatoliy Rafailovla o günlərdə çox yaxşı münasibətdə olan, onu “Magen David”in fəxri sədri elan edən “David Seliverstov” qaçaq düşdükdən sonra “topa” tutur.</p> <p>Xeyriyyəçilik və hüquq pərdəsi altında qurulan bu parıltılı tamaşa, əslində “David Seliverstov”un gələcək maxinasiyaların təntənəli premyerası idi.</p> <p>Tədbiri üzündə akademik ciddi-cəhdlə də o açır. Zalda kimlər var? Vəkillər Kollegiyasının üzvləri, deputatlar, media nümayəndələri... Hər kəs əl çalır, hüquqşünas “David” bəyin “dərin” mühazirəsinə qulaq asır. Zalda əyləşən 1-2 nəfəri çıxmaq şərti ilə kimsənin ağlına da gəlmir ki, mikrofona sarılan bu “beynəlxalq hüquq eksperti” cəmi bir neçə ay əvvəl dustaq forması geyinirdi və hazırda da Ədliyyə Nazirliyinin nəzarəti altında olan şərti məhkumdur!</p> <p>“David Seliverstov” yaxşı bilir ki, bizim cəmiyyətdə 2 şeyə sorğu-sualsız inanırlar – bahalı pal-paltar geyinmiş birilərinə və dəbdəbəli zala. Adında “İsrail”, “Təl-Əviv” və ya “Magen David” olan beynəlxalq illüziyalar isə bu inamı birə beş artırıb.</p> <p>Adam, sadəcə, “Magen David”i özünə qalxan edib və bir axşamın içində cəmiyyətə özünü “legitim hüquqşünas” kimi sırımağı bacarıb. Klassik status qurma əməliyyatı!</p> <p><b>Bəs sonra nə oldu?</b></p> <p>Bütün illüziyalar kimi “David Seliverstov”un da janqlyorluğu uzun sürə bilməzdi. Məhkəmələr şərti cəzanı ləğv etmədi, zərərçəkənlərin ah-vayı ərşə qalxdı, Musavat.com-a çatdı, dələduzluq əməllərinin üstü açılmağa başladı.</p> <p><b>Və... “böyük hüquqşünas” birdən-birə yoxa çıxdı!</b></p> <p>Hazırda 3 aydır ki, “David Seliverstov” qaçaq həyatı yaşayır. Gah o “Ben Qurion”da, gah da Gürcüstanda Jvari aşırımında görünür… hüquq-mühafizə orqanlarından gizlənməyə çalışır.</p> <p>Kazım Abbasov – “David Seliverstov”un 4 illik azadlıq macərası göstərdi ki, bəzi adamlar üçün türmə cəza çəkmə müəssisəsi deyil, “Ostap Bender” Akademiyası”dır.</p> <p>İndilik isə kino isə bitib! Bircə, Kazımbalanı ölkəyə gətirmək, ona “zəif yeri” olan Cinayət Məcəlləsini, xüsusilə 178.3.2 maddəsini bir daha “izah” eləmək qalır…</p> <p><b>E.Məmmədəliyev,</b><br><b>Musavat.com</b></p>]]></content:encoded>
</item><item>
<title>Qətldə ittiham olunan deputat oğluna narkotik ittihamı da verildi</title>
<link>https://xtv.az/kriminal/121-qtld-ittiham-olunan-deputat-oluna-narkotik-ittiham-da-verildi.html</link>
<pdalink>https://xtv.az/kriminal/121-qtld-ittiham-olunan-deputat-oluna-narkotik-ittiham-da-verildi.html</pdalink>
<guid>https://xtv.az/kriminal/121-qtld-ittiham-olunan-deputat-oluna-narkotik-ittiham-da-verildi.html</guid>
<pubDate>Tue, 27 Oct 2026 12:35:25 +0400</pubDate>
<category>index</category>

<enclosure url="https://xtv.az/uploads/posts/2026-10/medium/936a37ded5d4cc63dcd75ac40fcd6636.jpg" type="image/jpeg" />
<content:encoded><![CDATA[<p><a href="https://xtv.az/uploads/posts/2026-10/936a37ded5d4cc63dcd75ac40fcd6636.jpg" class="highslide" target="_blank"><img src="https://xtv.az/uploads/posts/2026-10/medium/936a37ded5d4cc63dcd75ac40fcd6636.jpg" alt="" style="display:block;margin-left:auto;margin-right:auto;"></a></p> <p>Xəbər verdiyimiz kimi, Bakının Xətai rayonunda, General Şıxlinski küçəsində yerləşən keçmiş “Ab-Hava” restoranında oktyabrın 23-də kütləvi dava baş verib.</p> <p>Hadisə nəticəsində 43 yaşlı Ceyhun Mirağayev bıçaqlanaraq öldürülüb, bir neçə nəfər isə xəsarət alıb.</p> <p>İlkin məlumatlara görə, davanın biznes münasibətləri zəminində yaranan mübahisə ilə bağlı olduğu bildirilir.</p> <p>Hadisə ilə bağlı deputat Arzuxan Əlizadənin oğlu Əhməd Əlizadə də saxlanılıb.</p> <p>Məlumata görə, görüşü tərəfləri barışdırmaq məqsədilə onun təşkil etdiyi iddia olunur.</p> <p>Oktyabrın 25-də məhkəmə onun barəsində 4 aylıq həbs qətimkan tədbiri seçib.</p> <p>Qətli törətməkdə ittiham olunan Emin Rəhimov və Elmar Cəfərov da saxlanılıb. Ümumilikdə, hadisə və onun planlaşdırılması ilə əlaqədar bir neçə nəfər həbs edilib.</p> <p>İstintaq davam edir və saxlanılan şəxslərin hər birinin hadisədəki rolu araşdırılır.<br><br>O cümlədən deputat Arzuxan Əlizadənin oğlu Əhməd Əlizadəyə narkotik ittihamı da verilib.</p> <p>Daha dəqiq, o, AR Cinayət Məcəlləsinin 234-cü maddəsi ilə də ittiham olunacaq.</p> <p>Məsələ ilə bağlı araşdırmalar davam edir./Gununsesi.info/</p>]]></content:encoded>
</item><item>
<title>Azərbaycana qarşı görünməmiş hibrid hücumlar: Milli Məclisdən xəbərdarlıq</title>
<link>https://xtv.az/kriminal/36-azrbaycana-qar-gorunmmi-hibrid-hucumlar-milli-mclisdn-xbrdarlq.html</link>
<pdalink>https://xtv.az/kriminal/36-azrbaycana-qar-gorunmmi-hibrid-hucumlar-milli-mclisdn-xbrdarlq.html</pdalink>
<guid>https://xtv.az/kriminal/36-azrbaycana-qar-gorunmmi-hibrid-hucumlar-milli-mclisdn-xbrdarlq.html</guid>
<pubDate>Fri, 16 Oct 2026 10:05:57 +0400</pubDate>
<category>index</category>

<enclosure url="https://xtv.az/uploads/posts/2026-10/medium/e544a86e-05f2-4302-8798-d467d357bc9b_740.webp" type="image/webp" />
<content:encoded><![CDATA[<p><a href="https://xtv.az/uploads/posts/2026-10/e544a86e-05f2-4302-8798-d467d357bc9b_740.webp" class="highslide" target="_blank"><img src="https://xtv.az/uploads/posts/2026-10/medium/e544a86e-05f2-4302-8798-d467d357bc9b_740.webp" alt="" style="display:block;margin-left:auto;margin-right:auto;"></a></p> <p><b>Azərbaycana qarşı aparılan hibrid hücumlarla əlaqədar Milli Məclisin Xarici müdaxilələrə və hibrid təhdidlərə qarşı müvəqqəti komissiyası bəyanat yayıb</b>.</p> <p>"<b>AzPolitika</b>"nın məlumatına görə, bəyanatda bildirilir ki, Prezident İlham Əliyevin müdrik rəhbərliyi altında dövlətimizin orta güc olaraq meydana çıxması, qətiyyətli xarici siyasəti, beynəlxalq nüfuzunun ildən-ilə artması, qlobal enerji təhlükəsizliyinə verdiyi töhfə, regional tranzit dəhlizlərindəki strateji əhəmiyyəti və ölkədaxili siyasi-iqtisadi sabitlik xarici aktorların Azərbaycana qarşı hibrid hücumlarının miqyasını xeyli artırıb:</p> <p>"Bölgəmizdə davam edən müharibə və gərginliklər fonunda sabitlik adası kimi səciyyələndirilən Azərbaycan Respublikası son vaxtlar heç zaman görünməmiş şəkildə və sinxron formada dini-ideoloji təxribatlara, əlaqələndirilmiş informasiya əməliyyatlarına və kiberhücumlara məruz qalıb.</p> <p>Müxtəlif azadlıqlar adı altında xalqımızın çoxəsrlik milli-mənəvi və multikultural dəyərləri, dini inancları hədəf alınır, cəmiyyətdə həqiqət anlayışını məhv etmək üçün zərərli fəaliyyətlər vasitəsilə insanlarımıza yad ideologiyalar doğru yol kimi təqdim edilir.</p> <p>Aidiyyəti dövlət orqanları ilə birgə araşdırmalar zamanı müəyyən edilib ki, ictimai rəyi manipulyasiya etməyə, cəmiyyətdə qütbləşmə yaratmağa, dövlət qurumlarına etimadı sarsıtmağa yönələn təsir əməliyyatları, kiberhücumlar və terror-təxribat niyyətləri ölkə daxilində və xaricində olan təsir agentləri və gizli təşkilatlar, rəqəmsal məkanda isə haker qrupları, xarici media quruluşları, real və saxta hesablar, habelə botlar vasitəsilə aparılır.</p> <p>Təəssüflə qeyd etməliyik ki, dost və qonşu ölkələrin ərazisində fəaliyyət göstərən, Azərbaycanı sevməyən qüvvələr öz dezinformasiya məzmunlarını müstəqil görünən kanallar vasitəsilə rəqəmsal platformalara yeridib, cəmiyyətdə etnik, dini və ya siyasi zəmində qırılma xətləri yaratmağa çalışırlar. Onların istəyi ölkə içində nifaq salmaq, fərqli düşüncəli vətəndaşlarımızı bir-birinə düşmən etmək, zorakılığı alovlandırmaq və dövlətimizi daxildən sarsıtmaqdır".</p> <p>Sənəddə vurğulanıb ki, hibrid təhdid aktorları "hesablama propaqandası" metodu ilə ictimai rəyi çaşdırmaq və cəmiyyətdə fraqmentasiyanı dərinləşdirmək məqsədilə insanları media və sosial şəbəkələrdə onların müəyyən baxışlarını dəstəkləyən saxta məlumatları fəal şəkildə axtarmağa, bu informasiyalara inanmağa və digər şəxslər arasında yaymağa təşviq edirlər:</p> <p>"Alqoritmlər tərəfindən idarə olunan məzmun paylaşımları "əks-səda kameraları" effekti yaradaraq istifadəçilərin yalnız öz mövcud inanc, baxış və dünyagörüşlərini əks etdirən məlumatlarla qarşılaşmalarına səbəb olur. Vətəndaşlarımızın emosional reaksiyalarını cəlb etməyə hesablanmış paylaşımlar rəqəmsal platformalarda mövcud alqoritmlər sayəsində geniş kütlələrə yönəldilir.</p> <p>Bundan əlavə, "filtr qabarcıqları" mexanizmi ilə zərərli məzmun yalnız onu qəbul etməyə hazır olan, artıq müəyyən istiqamətdə təsir altına düşmüş auditoriyaya çatır. Bu isə manipulyasiyanın effektivliyini həndəsi silsilə ilə artırır.</p> <p>Belə bir mühitdə qeyd edilən aktorlar klassik təbliğat üsullarına müraciət etmədən platformaların öz infrastrukturu vasitəsilə yad dəyərləri təşviq etmək, milli sabitliyi sarsıtmaq və cəmiyyətimizi daxildən parçalamaq niyyəti güdürlər.</p> <p>Monitorinqlər zamanı, həmçinin müəyyən edilmişdir ki, Azərbaycana qarşı bəlli mərkəzlərdən aparılan məkrli fəaliyyətlərin miqyasına baxmayaraq, qalib xalqımız qətiyyətli mövqe sərgiləyərək təxribatlara uymayıb, dövlətin atdığı addımları birmənalı şəkildə dəstəkləyir, bölücü məzmunun və şəxslərin ifşa edilməsində lazımi köməyini bu gün də davam etdirir.</p> <p>Bir daha bəyan edirik ki, Milli Məclisin Xarici müdaxilələrə və hibrid təhdidlərə qarşı komissiyası, aidiyyəti komitələri və Aparatının struktur bölmələri, habelə müvafiq dövlət qurumları dövlətimizə qarşı həyata keçirilən bu çirkin hibrid hücumların qarşısını müvəffəqiyyətlə alır və bundan sonra da istənilən həmləni cavabsız qoymayacaqdır.</p> <p>Komissiyamız, eyni zamanda, Azərbaycan əleyhinə aparılan bu fəaliyyətləri qınayan dost və qonşu ölkə vətəndaşlarına ədalətli mövqelərinə görə dərin təşəkkürünü bildirir".</p>]]></content:encoded>
</item><item>
<title>Məşhur türk yazarın ölümü 70 ildən sonra yenidən araşdırılır</title>
<link>https://xtv.az/kriminal/28-mhur-turk-yazarn-olumu-70-ildn-sonra-yenidn-aradrlr.html</link>
<pdalink>https://xtv.az/kriminal/28-mhur-turk-yazarn-olumu-70-ildn-sonra-yenidn-aradrlr.html</pdalink>
<guid>https://xtv.az/kriminal/28-mhur-turk-yazarn-olumu-70-ildn-sonra-yenidn-aradrlr.html</guid>
<pubDate>Tue, 13 Oct 2026 01:34:34 +0400</pubDate>
<category>index</category>

<enclosure url="https://xtv.az/uploads/posts/2026-10/thumbs/sebaheddin-ali.webp" type="image/webp" />
<content:encoded><![CDATA[<p><a href="https://xtv.az/uploads/posts/2026-10/sebaheddin-ali.webp" class="highslide" target="_blank"><img src="https://xtv.az/uploads/posts/2026-10/thumbs/sebaheddin-ali.webp" alt="" style="display:block;margin-left:auto;margin-right:auto;"></a></p> <p><b>XX əsr türk nəsrinin böyük adlarından olan Səbahəddin Əlinin ölümü ilə bağlı məsələyə aydınlıq gətirilməsi üçün Ədliyyə Nazirliyinə müraciət olunub.</b></p> <p><a target="_blank" href="https://axar.az/" rel="noopener external">Axar.az</a> Bizim.Media-ya istinadən xəbər verir ki, müraciətdə Səbahəddin Əlinin ölümü ilə bağlı istintaq və məhkəmə materiallarının yenidən nəzərdən keçirilməsi, dövlət arxivlərində müvafiq sənədlərin axtarılması və yazıçının dəfn olunduğu yerin müəyyən edilməsi tələb olunur.</p> <p>Türkiyə Jurnalistlər Cəmiyyəti, Türkiyə Naşirlər Birliyi, Türkiyə Jurnalistləri Həmkarlar İttifaqı, Türkiyə Yazıçılar Birliyi və PEN Türkiyə bu gün Ədliyyə Nazirliyinə müraciət edərək, yazıçı, şair və jurnalist Səbahəddin Əlini 1948-ci ildəki ölümünə aydınlıq gətirilməsini istəyiblər.</p> <p>Belə ki, 70 ildən çox vaxt keçməsinə baxmayaraq, Səbahəddin Əlinin ölümü ilə bağlı rəsmi versiya ictimaiyyətdə, eləcə də ədəbi, tarixi və hüquqi dairələrdə mövcud olan şübhələri aradan qaldıra bilməyib. Sənəddə qeyd olunur ki, yazıçının dövrün təhlükəsizlik və kəşfiyyat orqanlarının nəzarəti altında saxlanılarkən pis rəftar və ya işgəncə nəticəsində həyatını itirməsi barədə iddialar heç vaxt müstəqil və hərtərəfli araşdırmaya cəlb edilməyib.</p> <p>Bildirilir ki, cəsədin qəti şəkildə identifikasiya edilə bilməməsi, yarılma əməliyyatından sonra qalıqların taleyinin məlum olmaması və məhkəmə qeydlərindəki çatışmazlıqlar bu şübhələri daha da gücləndirib.</p> <p>Cümhuriyyət tarixində ən çox müzakirə olunan və həllini tapmamış ölüm hadisələrindən biridir</p> <p>Səbahəddin Əlinin ölümünə aydınlıq gətirilməsinin sadəcə fərdi bir hadisənin araşdırılmasından daha geniş məna kəsb etdiyini vurğulayan müraciətdə, məsələnin Cümhuriyyət tarixində ən çox müzakirə olunan və həllini tapmamış işlərdən birinin aydınlaşdırılması baxımından əhəmiyyəti qeyd olunur.</p> <p>Müraciətdə bildirilir ki, Konstitusiyanın 17-ci maddəsi ilə təminat altına alınan yaşamaq hüququ və 2-ci maddədə təsbit edilmiş hüququn aliliyi prinsipi ölüm hallarının effektiv şəkildə araşdırılması tələbini ehtiva edir.</p> <p>Həmçinin qeyd olunur ki, bir yazıçının öz baxışlarına görə hədəf seçilmiş ola biləcəyinə dair ciddi şübhələrin aradan qaldırılmaması ifadə və mətbuat azadlığı baxımından mühüm bir məsələ təşkil edir.</p> <p>Yazıçılar və naşirlər Ədliyyə Nazirliyinin qarşısına üç tələb qoydu</p> <p>Türkiyə Jurnalistlər Cəmiyyəti, Türkiyə Naşirlər Birliyi, Türkiyə Jurnalistləri Həmkarlar İttifaqı, Türkiyə Yazıçılar Birliyi və PEN Türkiyə tələb edir:</p> <p>1. Səbahəddin Əlinin ölümü ilə bağlı istintaq və məhkəmə materiallarının – o cümlədən iş materialları "Açılmamış Cinayətlərin Araşdırılması Şöbəsi"nin koordinasiyası altında yenidən nəzərdən keçirilməsi.</p> <p>2. Hadisə ilə bağlı hər hansı sənədin polis, jandarma, kəşfiyyat və ya dövlət arxivlərində mövcud olub-olmadığının müəyyən edilməsi məqsədilə araşdırma aparılması.</p> <p>3. Səbahəddin Əlinin qalıqlarının dəfn olunduğu yerin müəyyən edilməsi və mümkün olduqda, yaxınlarının razılığı ilə DNT və antropoloji müayinələrin aparılması.</p> <p>Müraciətdə həmçinin araşdırma nəticəsində əldə edilən məlumatların ictimaiyyətlə bölüşülməsi tələb olunub.</p> <p>Xatırladaq ki, Səbahəddinin ədəbi kimliyini sosial realizm üzərində quran və həyat təcrübələrini əsərlərində əks etdirən yazıçı və şair olub. Onun “İçimizdəki Şeytan” (1940) və “Xəz paltolu madonna” (1943) romanları türk ədəbi mühitində böyük rəğbət qazanmaqla yanaşı dünyanın bir çox ölkələrinin ədəbi inciləri sırasına qatılıb.</p> <p>İlk dəfə kommunist təbliğatı aparmaq ittihamı ilə, daha sonra isə türk dövlət məmurlarını tənqid etdiyi üçün həbs olunub. Bir müddət sərbəst qaldıqdan sonra bu dəfə guya Atatürkü təhqir etdiyi üçün həbs edilib. Xüsusilə, onunla türkçü-turançı yazıçı Nihal Atsız arasında artan gərginlik "İrqçilik-Turançılıq Məhkəməsi"nin bir hissəsinə çevrildi.</p> <p>Bu dövrdə o, Əziz Nesinlə birlikdə nəşr etdiyi “Markopaşa” jurnalında siyasətçiləri tənqid etdiyinə görə müxtəlif məhkəmə işləri ilə üzləşdi. Ona qarşı açılan məhkəmə işlərinin əleyhinə nəticələnəcəyi bir vaxtda o, Türkiyəni tərk etməyə çalışdı; lakin Bolqarıstan sərhədini keçməyə cəhd edərkən, qaçış zamanı ona bələdçilik edən yaxın dostu Əli Ərtəkin tərəfindən qətlə yetirildi.</p> <p>Nəşini balıqçılar tapmışdılar, bədənində isə işgəncə əlamətləri olub. Lakin müəmmalı məqamların olması böyük yazarın necə, hansı şəraitdə öldürülməsi üzərinə uzun illərdir sirr pərdəsi asıb</p>]]></content:encoded>
</item></channel></rss>