Prezidentdən Brüssel görüşü barədə yeni - Açıqlama

  • 13-01-2022, 09:30
  • 107
Prezidentdən Brüssel görüşü barədə yeni - Açıqlama


“Prezident Şarl Mişelin Azərbaycana səfəri və burada keçirdiyim görüş çox müsbət idi. Brüsseldə keçən ay keçirdiyimiz görüşlə bağlı eyni sözləri deyə bilərəm”.

“Bunu Prezident İlham Əliyev yerli televiziya kanallarına müsahibəsində deyib.

Prezident qeyd edib ki, bizim üçün əsas məsələ, Avropa İttifaqı ilə gələcək planlarımızı düzgün tərtib etmək idi:

“Mən bunu dəfələrlə keçmiş rəhbərliklə görüşlər əsnasında dilə gətirmişdim. Deyirdim ki, bilirsiniz, bizim hər hansı bir xüsusi gözləntilərimiz yoxdur. Bildiyiniz kimi, biz assosiasiya sazişinə qoşulmadıq. Bu gün həyat göstərir ki, haqlı idik. Çünki qoşulan o biri ölkələr haqqında mən indi bir şey demək istəmirəm.

Əgər biz real baxsaq bu assosiasiya sazişi nə verdi?! Əlbəttə ki, sual doğurur. Yəni, üzvlük perspektivi varmı? Yoxdur. Yəni, yaxın gələcəkdə və orta müddətli gələcəkdə yoxdur. Hansısa başqa imtiyazlar varmı? Bilmirəm. Hər halda yenə də deyirəm. Bizim mövqeyimiz həmişə realist olub. Deyirdim ki, biz gərək həyata keçirə bilmədiyimiz şeylərin, necə deyərlər, ətəyindən yapışmayaq. Real.

Biz istəyirik ki, Avropa ilə daha yaxın əlaqələr olsun. Avropa da istəyir ki, onun sərhədlərində vəziyyət sabit olsun. Hesab edirəm ki, cənab Mişellə görüşlər əsnasında biz bu gündəliyi formalaşdıra bildik. Ümid edirəm, bu müştərək yanaşma imkan verəcək ki, tezliklə yeni sazişi də tamamilə razılaşdırılacaqdır. Çünki hazırda sazişin təqribən 90-92 faizi razılaşdırılıb. Bir neçə maddə var ki, orada fikir ayrılığı var. Amma hesab edirəm ki, ciddi iradə göstərilərsə, hər iki tərəfdən buna biz nail ola bilərik.

Əlbəttə ki, bizim əlaqələrimiz üçün yeni səhifə açılacaqdır. Bununla paralel olaraq Avropa İttifaqı ilə bizim gündəliyimiz onsuz da çox genişdir. Bunu mən artıq dəfələrlə demişəm ki, 9 ölkə ilə biz strateji tərəfdaşıq. Enerji təhlükəsizliyi baxımından fəal əməkdaşlıq edirik.

Xüsusilə indiki şəraitdə. Avropada qaz böhranı yaşanır. Bizim qazımıza böyük ehtiyac var. İndi artıq bu, açıq mətbuata da çıxır. Mən Bolqarıstanla olan məsələləri nəzərdə tuturam. Bilirsiniz ki, bu, bizdən yox, Bolqarıstandan çıxıbdır. İndi bu məsələnin mahiyyəti yəqin ki, bəllidir. Ona görə buna böyük ehtiyac var. Azərbaycan da etibarlı təchizatçıdır. Uzun illər ərzində neft təchizatçısı olaraq etibarlı tərəfdaş kimi rol oynayıb, o cümlədən Avropa üçün qaz təchizatçısı kimi. Onların bizim nəqliyyat imkanlarımıza böyük marağı vardır. Onu da bildirməliyəm ki, Avropa İttifaqı Şurasının keçmiş prezidenti cənab Tusk 2019-cu ildə Bakıda olarkən, xüsusilə Ələtə getmişdir. Beynəlxalq Dəniz Limanına gedib orada vəziyyətlə tanış olmuşdur. İndiki prezident Mişelə isə Şamaxıya səfəri çərçivəsində orada həm Ələt İqtisadi Zonası ilə, həm də limanla bağlı təqdimat edilmişdir. Yəni, bu sahəyə çox böyük maraq var.

Azərbaycanda yaradılmış nəqliyyat infrastrukturu ən müasirdir. Demək olar ki, bütün işlər artıq tamamlanıb. Bu, Avropa üçün böyük maraq kəsb edir. Şarl Mişel Azərbaycanda olarkən, Şamaxıya gedəndə yol üstündə Azərkosmosu da ziyarət etdi. İndi Azərbaycanın Avropa tərəfdaşları ilə kosmik sahədə yeni əməkdaşlıq formatı yaradılır. Bu da çox müsbətdir. Biz, əlbəttə ki, texnologiyaların Azərbaycana gətirilməsində maraqlıyıq. Biz bu texnologiyaları Avropadan alırıq, Avropa isə bizim enerji resurslarımızı alır. Yəni, burada qarşılıqlı maraqlar uzlaşır. Narahatedici məqamlar demək olar ki, yoxdur. Ya da ki, son hadisələrə qədər yox idi. Onu da mən cənab Mişelə həm Bakıda, həm Brüsseldə demişəm.

O da Ermənistana və Azərbaycana nəzərdə tutulan maliyyə paketinin həcmi ilə bağlıdır. Biz çox təəccüb etdik ki, böyük dağıntılara məruz qalmış Azərbaycana cəmi 140 milyon, Ermənistana isə 2,6 milyard avro maliyyə paketi nəzərdə tutulur. Bu, ədalətsizlikdir. Hətta onu deyə bilərəm ki, dekabr ayında Brüsseldə İtaliya jurnalistinə müsahibə verərkən jurnalist məndən soruşdu ki, bu nə dərəcədə ədalətlidir. Yəni, bunu təkcə mən demirəm.

Artıq bu Avropa məkanına yayılmış bir məsələdir. Mən bunu ictimai qaydada da dilə gətirmişəm həmişə. Bu, ədalətsizlikdir və bunun izahatı bizə lazımdır. Əgər bu ədalətsizlik həyatda öz əksini taparsa, əlbəttə ki, biz səssiz qalmayacağıq. Nəinki səssiz qalmayacağıq, bu, Avropa İttifaqı-Azərbaycan əlaqələrinə çox böyük mənfi təsir göstərəcək. Çünki əhali və ərazi baxımından Azərbaycan Ermənistandan beş dəfə böyükdür. Ermənistanda bir dənə də bina dağılmayıb.

Bizim Livan boyda ərazimiz tamamilə yerlə-yeksan edilib. Bizə cəmi 140 milyon, onlara 2,6 milyard? Hansı əsasla, əsas nədir?! Qoy, izahat versinlər. Mən məsələni elə qoymuşam ki, Ermənistana hansı şərtlərlə və hansı məbləğdə vəsait veriləcəksə, eyni şərtlərlə eyni məbləğdə bizə də verilsin. O izahat ki, Azərbaycanın pulu çoxdur, Ermənistanın pulu azdır. Bu, nə dərəcədə ədalətlidir? Ola bilməz. Ona görə bu son hadisələrdə yeganə narahatlıq və problem yarana biləcək məsələ budur. Bizim aramızda hər hansı başqa bir fikir ayrılığı yoxdur. Şərq Tərəfdaşlığının son Zirvə Görüşü də bunu göstərdi. Avropa İttifaqı ilə əminəm ki, əlaqələrimiz uğurla davam etdiriləcək. Bu, bizim üçün önəmlidir, bizim xarici siyasət konsepsiyamızın tərkib hissəsidir”.

Dövlət başçısı “Azərbaycanla Ermənistanı yaxınlaşdırmaqda bir tərəfdaş və bir vasitəçi kimi Avropa İttifaqının rolu ola bilərmi?” sualını da cavablandırıb:

“Bəli, əlbəttə, ola bilər. Mən Brüsseldə olarkən orada Avropa İttifaqının rəhbərliyinə də bu haqda bildirdim ki, ola bilər. Əsas odur ki, bu gündəlik düzgün tərtib edilsin və Ermənistan da burada özünü səmimi aparsın. Çünki bilirsiniz, Ermənistan bir çox hallarda bir tərəfdaşa bir söz deyir, o biri tərəfdaşa bunun əksini deyir, üçüncü tərəfdaşa isə üçüncü versiyanı deyir. Yəni, bu, uzunmüddətli siyasət ola bilməz. Çünki gec-tez bunun üstü açılacaq. Bizim isə mövqeyimiz birmənalıdır və mən bunu açıq bəyan edirəm və bəli, hesab edirəm ki, Ermənistan-Azərbaycan əlaqələrinin normallaşmasında Avropa İttifaqı rol oynaya bilər. Mən bunu müsbət qarşılayıram və sadəcə olaraq, burada ədalət prinsipi əsas rol oynamalıdır. Çünki bu günə qədər bəzi ölkələrdən fərqli olaraq, Avropa İttifaqı ədaləti qorumuşdur.

Qeyd etdiyim kimi, müharibə zamanı Fransa baxmayaraq ki, neytral olmalı idi, vasitəçi kimi birmənalı şəkildə Ermənistan tərəfini tutdu. Müharibədən sonra Amerika Birləşmiş Ştatları, halbuki vasitəçidir, neytral olmalıdır, açıq şəkildə Ermənistan tərəfini tutdu. Təkcə elə mətbuatda olan iki hadisəni qeyd etməklə, bunu sübut etmək olar. Birincisi, Ermənistanı dırnaqarası “demokratiya zirvəsinə” dəvət etməsi, halbuki Ermənistan və demokratiya - bunlar fərqli qütblərdir. Ermənistanda insan haqları kobudcasına pozulur, siyasi müxalifət həbsə atılır və siyasi rəqiblər təqib edilir. Ermənistan, necə deyərlər, hansı əməllərə görə ora dəvət edilib ki, Azərbaycan dəvət edilməyib. Yəni bu, açıq ayrı-seçkilikdir. İkinci də, bu yaxınlarda Ermənistan Təhlükəsizlik Şurasının katibi Vaşinqtona dəvət edilib, orada görüşlər keçirir. Azərbaycan Təhlükəsizlik Şurasının katibi isə dəvət edilməyib. O, başqa məsələdir ki, biz dəvət olunmamışıq, heç nə itirmirik və demokratiya uğrunda dırnaqarası “zirvə görüşündə” iki dəqiqəlik çıxış üçün adam özünü heç əziyyətə verməməlidir. Amma fakt odur ki, burada balans pozulur, nümayişkaranə göstərilir ki, indiki Amerika administrasiyası birtərəfli olaraq Ermənistan tərəfindədir və bu, onların öz işidir. Biz, necə deyərlər, sadəcə olaraq, öz fikirlərimizi bildiririk və əlbəttə ki, öz siyasətimizdə bunu nəzərə alacağıq. Avropa İttifaqı belə balansı pozan hadisələrdə olmayıb. Son Brüssel görüşündə də tam paritet saxlanılıb və bu, deməyə əsas verir ki, onlar iki ölkə arasındakı əlaqələrin normallaşmasında müsbət rol oynaya bilərlər. Bu ola bilər, eyni zamanda, Zəngəzur dəhlizinin fəaliyyəti ilə bağlı, iqtisadi və maliyyə yardımı ilə bağlı, qeyd etdiyim kimi, əgər bu, ədalətli olarsa. Avropa məkanında böyük intellektual potensial mövcuddur, təcrübə mövcuddur və sərhədlərin müəyyən edilməsində onlar öz tövsiyələrini verə bilərlər. Yəni bir çox sahələrdə onlar yardımçı ola bilərlər. Hər halda biz bunu alqışlayırıq”.
Oxşar xəbərlər
XƏBƏR LENTİ
    Biabırçı görüntülərlə bağlı qərar: müəllim cəzalandırıldı - RƏSMİ
    Pambığın alış qiyməti 50 manat artırılır
    Nazir Mübariz Qurbanlının qardaşı oğluna yeni vəzifə verdi
    Arif Məmmədov: Azərbaycan dövləti əhalinin sağlamlığının qorunmasını özünün əsas vəzifəsi hesab edir
    Azərbaycan BMT-də Xocalı soyqırımı canilərinin cəzasız qalması məsələsini qaldırıb
    Dövlət Komissiyası: Müharibədən sonra 396 Azərbaycan hərbçisinə aid meyit qalığı tapılıb
    Polisi aldadıb qabağa düşmək istədi, tutuldu -
    Bakıda Ağciyər Xəstəlikləri İnstitutunda yanğın: Polislər 40-dan artıq xəstəni xilas etdi
    Abşeronda qanlı cinayət: Dayı bacısı oğlunu güllələyib
    Koronavirusun
    Maqsud Mahmudovun istintaqı başa çatıb: 90 nəfər zərərçəkən var
    Tarixi ilk: İsrail prezidenti BƏƏ-yə gedir - Nə dəyişəcək...
    Dünyanın ən varlı 5 adamı iki həftə ərzində 85 milyard dollar itirib
    Nazir generalı təqaüdə göndərdi
    “WhatsApp”dan istifadəçiləri sevindirəcək yeni funksiya
    Azərbaycanın 3 səhiyyə qurumu birgə məlumat yaydı: Bu qayda onlara da aiddir
    Azərbaycan Prezidenti: “Ermənistandan müsbət xəbərlər alırıq”
    ABŞ Ukraynaya görə 10 minə yaxın qoşunu hazır vəziyyətə gətirdi
    İlham Əliyev Fatma Səttarovaya “İstiqlal” ordenini təqdim etdi
    6 rayonun başçısız qalmasının səbəbi nədir…
    İlham Əliyev iranlı naziri videoformatda qəbul edib
    Paşinyan Azərbaycan və Türkiyə ilə yolların açılmasının əhəmiyyətindən danışdı
    Zakir Həsənovun İrana səfəri başladı
    Ağsu Rayon Mərkəzi Xəstəxanasında vaksinasiya  davam edir
    Bu gün Hacı Zeynalabdin Tağıyevin anım günüdür
    Paşinyan:
    Azərbaycanda müvəqqəti qeydiyyat ləğv olundu - DİN-dən AÇIQLAMA
    Dünya birjalarında neft bahalaşıb
    Bakının mərkəzində narkomanlar yuvası - Sakinlər üçün təhlükə - VİDEO
    Bakıda uşaqlarını görməyə gedən şəxs döyülərək öldürüldü - TƏFƏRRÜAT
    Avtomobili olanlar mütləq izləsin - Bundan sonra... - VİDEO
    Ermənistan prezidentinin cinayətləri aşkarlandı
    Azərbaycana nifrət edənlər Ermənistandan qaçır - Paşinyan Bakıyla razılaşdırıb
    Mario Balotelli 3 ildən sonra İtaliya millisinə qayıdıb
    Qisası alınan “Daşaltı əməliyyatı”ndan 30 il ötür
    Azərbaycanla bu ölkə arasında viza rejimi ləğv edildi
    Bu cərimələr iki dəfə artırılır - RƏSMİ
    Müşfiq Abbasovdan tənqidlərə reaksiya:
    HACI ZEYNALABDİN TAĞIYEVİN ABİDƏSİNİN AÇILMASI ƏLAMƏTDAR HADİSƏDİR
    XIX əsrdə xeyriyyəçilik ənənələrini məhz Zeynalabdin Tağıyev qoymuşdur
    Zakir Həsənov sabah İrana rəsmi səfərə gedəcək
    İngiltərəli nazir: Müsəlman olduğum üçün qovuldum
    Azərbaycanda yüksək vəzifəyə təyinat - FOTO
    DİN-dən Çimnaz Sultanova ilə bağlı açıqlama
    Müdafiə naziri Sarkisyanı döyübmüş... - İLGİNC FAKTLAR
    Allahşükür Paşazadənin müşaviri vəfat etdi
    Diplomatlar Ukraynadan çıxarılır: müharibə təlaşı
    Narkotik vasitələri mürəbbə bankalarının arasında gizlədən şəxs saxlanılıb - FOTO
    Müşviq Abbasov yalan danışır? - FOTO
    Şuşaya gedən avtobuslara satılan biletlərin sayı açıqlandı
    Kamran Əliyev prokurorlarla iclas keçirir
    Vilayət Eyvazov polkovnik-leytenantı yüksək vəzifəyə təyin etdi
    Hacı Zeynalabdin Tağıyev tarixdə zəngin adam kimi yox,  məhz xeyriyyəçi kimi qalmışdır
    Sarkisyanın səlahiyyətlərini o icra edəcək
    Sumqayıtda bir nəfər evdə yanaraq öldü
    Dünya birjalarında neft bahalaşır
    Bakı-Şuşa-Bakı ilk avtobus reysi yola düşdü - FOTO
    Mask və Bezos bir həftədə on milyardlarla dollar itirdi
    ABŞ Əfqanıstana 23 milyon dollar verdi
    Bu gündən Azərbaycanda yeni qayda qüvvəyə minib
Təsisçi və baş redaktor: Qasımova Vəfa
Tel: (+99450) 277-95-00
© 2016 Copyright XTV.az. Bütün hüquqları qorunur. Məqalələrə istinad etmək mütləqdir